زائر
زائر
|  موضوع: الفاشل .. يرفع ايده .. هيه  الإثنين أبريل 21, 2008 12:54 am | |
| حكماء الفشل بيقولوا حاجة مهمة جدا .. مش اى حد لا مؤاخذة يبقى فاشل
الحكاية الظاهر قدرات خاصة جدا .. يعنى مش اى واحد يقوم من النوم الصبح كده ويقرر انه يبقى فاشل والناس تشاور عليه وتقول ( ابو فشل )
ممكن يعدى عليه النهار وهو محقق الحلم ده ..لازم يتعب طبعا ويبذل مجهود كبير وياخد طريق الفشل من اوله .. معانا النهاردة وصفة فشل انما ايه، من اللى وصى عليه اللمبى الكبير ربنا يرحمه ويبشبش الطوبة اللى تحت دماغه .. يعنى لو حد نفسه ياخد بالوصفة دى ها نقدمها له وهو ومزاجه بس خلى بالك زى ما قولنا وعدنا فى الموضوع لازم تبذل مجهود اكتر تكتب نفسك فى سطور الفاشلين بمية الدهب يا معلم
_ اول حاجة لازم تعملها انك تخلى هدفك الرئيسى فى الحياة .. هو الراحة والاسترخاء التام .. الانتخة يعنى بلغة اليومين دول.
بعد كده لازم تحب سريرك جدا لانه مملكة الفاشلين.
_ لازم برضه ترتاح بالنهار كويس عشان تعرف تنام بالليل فى منتهى السهولة.
_ العمل شىء مقدس عشان كده اوعى تقرب منه.
_ لا تؤجل عمل اليوم الى الغد طالما تقدر تأجله لبعد بكرة.
_ لازم تعمل اقل ما يمكنك عمله وحاول تخلى غيرك يعمل الحاجات اللى انت مفروض تعملها على قد ما تقدر.
_ لو حسيت ان عندك رغبة قوية فى العمل والانجاز .. استرخى قليلا حتى تزول تلك الرغبة.
_لا تنسى دائما : العمل مفيد للصحة لذلك اتركه للمرضى والمحتاجين اليه.
دى الوصفة يا معلم لو عايز تاخد بيها براحتك طبعا..
( تلاقيك استاذ فيها اصلا ) انما لو ناوى تكافح وتشقى علشان تحقق نفسك تبقى
بنى ادم بجد.
mr_gold91 |
|
خالد المصرى
المـــ العام ـــــدير
 
العمر : 27
سجّل في : 17 أبريل 2008
عدد المساهمات : 50
| | موضوع: رد: الفاشل .. يرفع ايده .. هيه الخميس ماي 08, 2008 5:56 pm | |
| شكرا على موضوع الجميل دة اشكرا الدخوك الموقع [img][/img]
_________________
 |
|
